OpenAI Foundation-ის კონფიდენციალურობის წესები

ბოლო განახლება: 30 ივლისი, 2026

კონფიდენციალურობის წინამდებარე წესები აღწერს, თუ როგორ აგროვებს, იყენებს, ამჟღავნებს და სხვაგვარად ამუშავებს OpenAI Foundation („ფონდი“, „ჩვენ“ ან „ჩვენს“) თქვენ შესახებ ინფორმაციას, როდესაც შედიხართ ჩვენს ვებსაიტებზე ან იყენებთ მათ (ერთობლივად, ჩვენი „საიტები“) და როდესაც სხვაგვარად ურთიერთობთ ჩვენთან, მაგალითად, ღონისძიებებზე ან თუ გამოიწერთ ჩვენს მარკეტინგულ შეტყობინებებს.

ეს წესები არ ვრცელდება OpenAI OpCo, LLC-ზე, ChatGPT-ზე ან OpenAI-ის მიერ მომხმარებლებისთვის ხელმისაწვდომ სხვა სერვისებზე. გთხოვთ, გაეცნოთ OpenAI-ის კონფიდენციალურობის წესებს⁠, რათა მეტი შეიტყოთ იმის შესახებ, თუ როგორ მუშავდება პერსონალური ინფორმაცია ამ სერვისებთან დაკავშირებით.

ჩვენ შეიძლება პერიოდულად განვაახლოთ წინამდებარე კონფიდენციალურობის პოლიტიკა. ამის შემდეგ ჩვენ გამოვაქვეყნებთ განახლებულ ვერსიასა და ძალაში შესვლის თარიღს ამ გვერდზე, თუ მოქმედი კანონმდებლობით სხვა სახის შეტყობინება არ არის მოთხოვნილი. ჩვენ შეიძლება მოგაწოდოთ განსხვავებული ან დამატებითი შეტყობინებები ჩვენი კონფიდენციალურობის პრაქტიკის შესახებ გარკვეული შეთავაზებებისთვის, რა შემთხვევაშიც ეს შეტყობინებები შეავსებს ან ჩაანაცვლებს კონფიდენციალურობის ამ პოლიტიკაში მოცემულ ინფორმაციას.

სარჩევი

ინფორმაციის შეგროვება

ინფორმაციის გამოყენება

ინფორმაციის გამჟღავნება

მონაცემების შენახვა

თქვენი არჩევანი

დამატებითი ინფორმაცია კონკრეტული იურისდიქციებისთვის

დაგვიკავშირდით

ინფორმაციის შეგროვება

ინფორმაცია, რომელსაც თქვენ შესახებ ვაგროვებთ, დამოკიდებულია იმაზე, თუ როგორ ურთიერთობთ ჩვენთან.

თქვენ მიერ ჩვენთვის მოწოდებული ინფორმაცია

ჩვენ ვაგროვებთ ინფორმაციას, რომელსაც უშუალოდ გვაწვდით. მაგალითად, ჩვენ ვაგროვებთ ინფორმაციას უშუალოდ თქვენგან, როდესაც ავსებთ ფორმას ჩვენს საიტებზე ან ღონისძიებაზე, იწერთ ჩვენს მარკეტინგულ შეტყობინებებს ან სხვაგვარად გვიკავშირდებით. ინფორმაცია, რომელსაც უშუალოდ თქვენგან ვაგროვებთ, შეიძლება მოიცავდეს თქვენს სახელს, ელ. ფოსტის მისამართს, საფოსტო მისამართს, ტელეფონის ნომერს, კომუნიკაციაში ან საგრანტო განაცხადში მითითებულ პერსონალურ ინფორმაციას და ნებისმიერ სხვა ინფორმაციას, რომლის მოწოდებასაც აირჩევთ.

ინფორმაცია, რომელსაც ავტომატურად ვაგროვებთ

ჩვენ ავტომატურად ვაგროვებთ ინფორმაციას თქვენი მოწყობილობისა და ჩვენთან ან ჩვენს საიტებთან თქვენი ურთიერთქმედების შესახებ. ჩვენ ვაგროვებთ ინფორმაციას იმის შესახებ, თუ როგორ შედიხართ ჩვენს საიტებზე, მათ შორის, მონაცემებს თქვენ მიერ გამოყენებული მოწყობილობისა და ქსელის შესახებ, როგორიცაა თქვენი აპარატურული მოდელი, ოპერაციული სისტემის ვერსია, მობილური ქსელი, IP-მისამართი, ბრაუზერის ტიპი და მოწყობილობის უნიკალური იდენტიფიკატორები. ასევე, ვაგროვებთ ინფორმაციას იმ გზის შესახებ, რომლითაც ჩვენს საიტებზე წვდომას იღებთ, წვდომის თარიღებისა და დროის, ასევე, ჩვენს საიტებზე თქვენი აქტივობის შესახებ, მაგალითად, გვერდების ნახვასა და ბმულებზე დაწკაპუნებასთან დაკავშირებით. ჩვენ ვიყენებთ თვალყურის დევნების ტექნოლოგიებს, როგორიცაა ქუქი-ფაილები და პიქსელები, რათა შევაგროვოთ გარკვეული ინფორმაცია საიტებთან და ჩვენს მარკეტინგულ კომუნიკაციებთან თქვენი ურთიერთქმედების შესახებ. ჩვენ ვიყენებთ ამ ტექნოლოგიებს ჩვენს საიტებზე აქტივობისა და მარკეტინგულ კომუნიკაციებთან ურთიერთქმედებების გასაანალიზებლად, მათ შორის, იმის დასადგენად, თუ ჩვენი საიტების რომელი სექციები და ფუნქციებია პოპულარული, და ვიზიტების დასათვლელად. ქუქი-ფაილების შესახებ მეტი ინფორმაციის მიღება შეგიძლიათ ჩვენს ქუქი-ფაილების გამოყენების წესებში⁠.

ინფორმაცია, რომელსაც სხვა წყაროებიდან ვაგროვებთ

ჩვენ ვიღებთ ინფორმაციას სხვა წყაროებიდან. მაგალითად, ჩვენ შეიძლება შევაგროვოთ ინფორმაცია მონაცემთა ანალიტიკისა და დაგზავნის სიების პროვაიდერებისგან, ასევე საჯარო წყაროებიდან, როგორიცაა პროფესიული ქსელური ვებსაიტები. ეს ინფორმაცია მოიცავს, მაგალითად, თქვენს საკონტაქტო ინფორმაციას და ცნობებს თქვენი კომპანიისა და თანამდებობის შესახებ.

ინფორმაცია, რომელსაც ვიღებთ ანალიზის შედეგად

ჩვენ შეგროვებული ინფორმაციის საფუძველზე, შესაძლოა, ინფორმაცია მივიღოთ ან დასკვნები გამოვიტანოთ თქვენ შესახებ. მაგალითად, შესაძლოა, თქვენი IP-მისამართის საფუძველზე გამოვიტანოთ დასკვნები თქვენი სავარაუდო მდებარეობის შესახებ.

ინფორმაციის გამოყენება

ჩვენ მიერ შეგროვებულ ინფორმაციას ვიყენებთ ჩვენი საიტების უზრუნველსაყოფად და თქვენთან კომუნიკაციისთვის. ინფორმაციას, რომელსაც ვაგროვებთ, ასევე, ვიყენებთ შემდეგი მიზნებისთვის:

  • ჩვენი სერვისებისა და შეთავაზებების მოსაწოდებლად, შესანარჩუნებლად და გასაუმჯობესებლად;

  • ახალი პროდუქტებისა და სერვისების შესამუშავებლად;

  • თქვენთვის მარკეტინგული შეტყობინებების გამოსაგზავნად (ინფორმაცია იმის შესახებ, თუ როგორ შეგიძლიათ ნებისმიერ დროს უარი თქვათ ამ შეტყობინებების მიღებაზე, მოცემულია ქვემოთ, „თქვენი არჩევანი“ სექციაში);

  • ჩვენს პროდუქტებსა და მომსახურებებთან დაკავშირებული ტენდენციების, გამოყენებისა და აქტივობების მონიტორინგისა და ანალიზისთვის;

  • უსაფრთხოების ინციდენტებისა და სხვა მავნე, შეცდომაში შემყვანი, თაღლითური ან უკანონო მოქმედებების გამოსავლენად, გამოსაძიებლად, მათზე რეაგირებისთვის, მათთან დაკავშირებით საქმის აღძვრისა და მათგან დაცვის მიზნით, აგრეთვე, Foundation-ისა და სხვების უფლებებისა და საკუთრების დაცვის ხელშესაწყობად;

  • ჩვენი სამართლებრივი და ფინანსური ვალდებულებების შესასრულებლად; და

  • იმ დეიდენტიფიცირებული და აგრეგირებული მონაცემების შესაქმნელად, რომლებიც გონივრულ ფარგლებში თქვენ ვერ დაგიკავშირდებათ.

ინფორმაციის გამჟღავნება

ჩვენ ვამჟღავნებთ თქვენ შესახებ ინფორმაციას შემდეგ შემთხვევებში:

  • მომწოდებლები და სერვისის პროვაიდერები. ჩვენ პერსონალურ ინფორმაციას ხელმისაწვდომს ვხდით ჩვენი მომწოდებლებისთვის, მომსახურების პროვაიდერებისთვის, კონტრაქტორებისა და კონსულტანტებისთვის, რომლებიც ჩვენი სახელით ასრულებენ სერვისებს, მაგალითად, კომპანიებისთვის, რომლებიც გვეხმარებიან ვებჰოსტინგში, თაღლითობის პრევენციაში, ანალიტიკასა და მარკეტინგში.

  • სამართალდამცავი ორგანოები და სამართალწარმოებაში ჩართული პირები ჩვენ ვამჟღავნებთ პერსონალურ ინფორმაციას მის მოთხოვნაზე პასუხად, თუ მიგვაჩნია, რომ ასეთი გამჟღავნება შესაბამისი წესით ხდება ან მოითხოვება ნებისმიერი მოქმედი კანონის, რეგულაციის ან სამართლებრივი პროცესის მიხედვით, მათ შორის, საჯარო ორგანოების კანონიერი მოთხოვნების შემთხვევაში, ეროვნული უსაფრთხოების ან სამართალდაცვითი მოთხოვნების დასაკმაყოფილებლად.

  • ფონდისა და სხვათა უფლებების დასაცავად. ჩვენ შეიძლება გავამჟღავნოთ პერსონალური ინფორმაცია, თუ მიგვაჩნია, რომ თქვენი მოქმედებები არ შეესაბამება ჩვენს მომხმარებლის შეთანხმებებს ან პოლიტიკებს, დაარღვიეთ კანონი ან ეს აუცილებელია ფონდის, ჩვენი მომხმარებლების, საზოგადოების ან სხვა პირების უფლებების, საკუთრებისა და უსაფრთხოების დასაცავად.

  • პროფესიონალი მრჩევლები. ჩვენ ვუმჟღავნებთ პერსონალურ ინფორმაციას ჩვენს იურიდიულ, ფინანსურ, სადაზღვევო და სხვა პროფესიულ მრჩევლებს, როდესაც ეს აუცილებელია რჩევის მისაღებად ან სხვაგვარად ჩვენი ბიზნესინტერესების დასაცავად და სამართავად.

  • კორპორაციული ტრანსაქციები. ჩვენ ვამჟღავნებთ პერსონალურ ინფორმაციას გარკვეულ კორპორაციულ გარიგებებთან დაკავშირებით ან მათზე მოლაპარაკებების მიმდინარეობისას, მათ შორის, შერწყმის, კომპანიის აქტივების გაყიდვის, დაფინანსების ან ჩვენი ორგანიზაციის მთლიანად ან ნაწილობრივ სხვა კომპანიის მიერ შეძენის შემთხვევაში.

  • თქვენი თანხმობით ან თქვენი მითითებით. ჩვენ პერსონალურ ინფორმაციას ხელმისაწვდომს ვხდით მესამე მხარეებისთვის, როდესაც გვაქვს თქვენი თანხმობა ან როდესაც თქვენ შეგნებულად გვაძლევთ ამის მითითებას.

ჩვენ, ასევე, ვამჟღავნებთ აგრეგირებულ ან დეიდენტიფიცირებულ ინფორმაციას, რომელიც გონივრულ ფარგლებში ვერ იქნება გამოყენებული თქვენი იდენტიფიცირებისთვის. ამ ინფორმაციას ვინახავთ და ვიყენებთ მხოლოდ დეიდენტიფიცირებული ფორმით და არ შევეცდებით ასეთი ინფორმაციის ხელახლა იდენტიფიცირებას, გარდა კანონით ნებადართული შემთხვევებისა.

მონაცემთა შენახვა

ჩვენ ვინახავთ პერსონალურ ინფორმაციას იმდენი ხნით, რამდენიც საჭიროა იმ მიზნების შესასრულებლად, რომლებისთვისაც ის თავდაპირველად შევაგროვეთ, ასევე, სხვა ბიზნეს მიზნებისთვის, რომლებიც განმარტებულია კონფიდენციალურობის წინამდებარე პოლიტიკაში.

თქვენი არჩევანი

ქუქი-ფაილები და თვალის დევნების მსგავსი ტექნოლოგიები

ფონდი იყენებს ქუქი-ფაილებსა და თვალის მიდევნების მსგავს ტექნოლოგიებს ზემოთ აღწერილი ანალიტიკის მიზნებისთვის. გარდა ამისა, ჩვეულებრივ, შეგიძლიათ შეცვალოთ თქვენი ბრაუზერის პარამეტრები ბრაუზერის ქუქი-ფაილების წასაშლელად ან უარსაყოფად.

კომუნიკაციის პრეფერენციები

შეგიძლიათ, შესაბამის შეტყობინებებში მოცემული ინსტრუქციის მიყოლით უარი თქვათ Foundation-ისგან სარეკლამო შეტყობინებების მიღებაზე. უარის თქმის შემთხვევაშიც შესაძლოა, გამოგიგზავნოთ არასარეკლამო ელწერილები, მაგალითად, ჩვენი მიმდინარე საქმიანი ურთიერთობის შესახებ.

დამატებითი ინფორმაცია კონკრეტული იურისდიქციების შესახებ

აშშ-ის გარკვეულ შტატებში მცხოვრები პირები

აშშ-ის ზოგიერთმა შტატმა მიიღო კონფიდენციალურობის შესახებ კანონები, რომლებიც ამ შტატების მცხოვრებლებს ანიჭებს გარკვეულ უფლებებს და მოითხოვს კონკრეტული ინფორმაციის გამჟღავნებას („შტატის კონფიდენციალურობის კანონები“). იმ ფარგლებში, რამდენადაც ეს კანონები ვრცელდება Foundation-ზე, ეს სექცია გეხებათ, თუ თქვენ ცხოვრობთ კალიფორნიაში, კოლორადოში, კონექტიკუტში, დელავერში, ინდიანაში, აიოვაში, კენტუკიში, მერილენდში, მინესოტაში, მონტანაში, ნებრასკაში, ნიუ-ჰემფშირში, ნიუ-ჯერსიში, ორეგონში, როდ-აილენდში. ტენესიში, ტეხასში, იუტაში ან ვირჯინიაში. ეს განყოფილება ასევე წარმოადგენს ჩვენს კალიფორნიის შეტყობინებას მონაცემთა შეგროვებისას.

ინფორმაციის დამატებითი გამჟღავნებები

კონფიდენციალურობის ჩვენი პოლიტიკა განმარტავს, თუ როგორ ვაგროვებთ, ვიყენებთ და ვამჟღავნებთ თქვენ შესახებ ინფორმაციას. ზოგიერთი შტატის კონფიდენციალურობის შესახებ კანონების მოთხოვნის შესაბამისად, ამავე ინფორმაციის ასახსნელად ქვემოთ მოცემულ ცხრილებს ვიყენებთ.

პერსონალური ინფორმაციის გამოყენება და გამჟღავნება ბიზნესის მიზნებისთვის

პერსონალური მონაცემების კატეგორია

მიმღებთა კატეგორიები

პერსონალური ინფორმაციის გამოყენება

• იდენტიფიკატორები (მაგალითად, თქვენი სახელი, ელ. ფოსტა და IP მისამართი)

• ინფორმაცია ინტერნეტის ან სხვა ელექტრონული ქსელის შესახებ (მაგალითად, ინფორმაცია თქვენს აქტივობაზე ჩვენს საიტებზე)

• პროფესიული ინფორმაცია (მაგალითად, თქვენი თანამდებობა და დამსაქმებელი)

• დასკვნები (მაგალითად, თქვენი IP-მისამართის საფუძველზე განსაზღვრული საცხოვრებელი ქალაქი)

• სხვა ინფორმაცია, რომლის მოწოდებასაც თქვენ აირჩევთ

• მომწოდებლები და სერვისის პროვაიდერები

სამართალდამცავი ორგანოები და სამართალწარმოებაში ჩართული პირები

• საჭიროების შემთხვევაში, ფონდისა და სხვათა უფლებების დასაცავად

• პროფესიონალი მრჩევლები

• კორპორაციულ გარიგებებთან დაკავშირებული მიმღებები

• თქვენი თანხმობით ან თქვენი მითითებით

• ჩვენი საიტების უზრუნველყოფა;

• თქვენთან კომუნიკაციისთვის;

• ჩვენი სერვისებისა და შეთავაზებების მოსაწოდებლად, შესანარჩუნებლად და გასაუმჯობესებლად;

• ახალი პროდუქტებისა და სერვისების შესამუშავებლად;

• თქვენთვის მარკეტინგული შეტყობინებების გამოსაგზავნად;

• ჩვენს პროდუქტებსა და მომსახურებებთან დაკავშირებული ტენდენციების, გამოყენებისა და აქტივობების მონიტორინგისა და ანალიზისთვის;

• უსაფრთხოების ინციდენტებისა და სხვა მავნე, შეცდომაში შემყვანი, თაღლითური ან უკანონო მოქმედებების გამოსავლენად, გამოსაძიებლად, მათზე რეაგირებისთვის, მათთან დაკავშირებით საქმის აღძვრისა და მათგან დაცვის მიზნით, აგრეთვე, Foundation-ისა და სხვების უფლებებისა და საკუთრების დაცვის ხელშესაწყობად;

• ჩვენი სამართლებრივი და ფინანსური ვალდებულებების შესასრულებლად; და

• დეიდენტიფიცირებული და აგრეგირებული მონაცემების შესაქმნელად, რომელთა თქვენთან დაკავშირებაც გონივრულად შეუძლებელია.

ჩვენ ვაგროვებთ ინფორმაციას, რომელიც შტატების კონფიდენციალურობის კანონების თანახმად „სენსიტიურ“ ინფორმაციად მიიჩნევა და არ ვიყენებთ და არც ვამჟღავნებთ სენსიტიურ პერსონალურ ინფორმაციას თქვენი მახასიათებლების შესახებ დასკვნების გამოსატანად.

როგორც ზემოთ მოცემულ ინფორმაციის შეგროვების სექციაშია აღწერილი, ჩვენ ვაგროვებთ პერსონალურ ინფორმაციას სხვადასხვა წყაროდან, მათ შორის, უშუალოდ თქვენგან, ავტომატურად, როდესაც შედიხართ ან იყენებთ ჩვენს საიტებს, ასევე, მესამე მხარის წყაროებიდან.

ჩვენ პერსონალურ ინფორმაციას ვინახავთ იმდენ ხანს, რამდენიც საჭიროა იმ მიზნების მისაღწევად, რომელთათვისაც ის თავდაპირველად შევაგროვეთ, ასევე, კონფიდენციალურობის წინამდებარე პოლიტიკაში აღწერილი სხვა მიზნებისთვის.

თქვენი უფლებები შტატების კონფიდენციალურობის კანონების თანახმად

წვდომა, შესწორება და წაშლა

თქვენ გაქვთ უფლება: (1) მოითხოვოთ მეტი ინფორმაციის მიღება თქვენი პერსონალური ინფორმაციის შესახებ და მასზე წვდომა, მათ შორის, პორტაბელურ ფორმატში; (2) მოითხოვოთ თქვენი პერსონალური ინფორმაციის წაშლა; და (3) მოითხოვოთ არაზუსტი პერსონალური ინფორმაციის შესწორება.

თქვენს პერსონალურ ინფორმაციაზე წვდომის, მისი შესწორების ან წაშლის მოსათხოვნად გთხოვთ, მოგვწეროთ ელ. ფოსტის მისამართზე [email protected]. ჩვენ შეიძლება მოგთხოვოთ გარკვეული ინფორმაციის მოწოდება თქვენი მოთხოვნის ავთენტიფიკაციისთვის.

შურისძიების დაუშვებლობა

ჩვენ არ ვიძიებთ შურს თქვენზე კონფიდენციალურობის თქვენი უფლებების გამოყენების გამო.

გასაჩივრებები

თუ უარვყოფთ თქვენს მოთხოვნას, შეგიძლიათ გაასაჩივროთ ჩვენი გადაწყვეტილება, რისთვისაც უნდა დაგვიკავშირდეთ ელ. ფოსტის შემდეგ მისამართზე: [email protected]. თუ გასაჩივრების შედეგთან დაკავშირებით რაიმე შეშფოთება გაქვთ, შეგიძლიათ დაუკავშირდეთ იმ შტატის გენერალურ პროკურორს, სადაც ცხოვრობთ.

უფლებამოსილი აგენტები

თუ კალიფორნიაში ცხოვრობთ, ასევე, შეგიძლიათ, დანიშნოთ უფლებამოსილი აგენტი, რომელიც თქვენი სახელით წარადგენს წვდომის, წაშლის ან შესწორების მოთხოვნას. ჩვენ შეიძლება უფლებამოსილ აგენტებს მოვთხოვოთ მოთხოვნის წარდგენის უფლებამოსილების დამადასტურებელი მტკიცებულება, მაგალითად, მოქმედი მინდობილობა ან იმის მტკიცებულება, რომ მათ აქვთ ხელმოწერილი ნებართვა იმ მომხმარებლისგან, რომელსაც აღნიშნული მოთხოვნა ეხება. ზოგიერთ შემთხვევაში, ჩვენ შეიძლება დავუკავშირდეთ პირს, რომელსაც ეხება მოთხოვნა, რომ გადავამოწმოთ მისი ვინაობა ან დავადასტუროთ, რომ უფლებამოსილ აგენტს აქვს მოთხოვნის წარდგენის ნებართვა. თუ თქვენ ხართ უფლებამოსილი აგენტი, რომელიც კალიფორნიაში მცხოვრები პირის სახელით ცდილობს წვდომის, შესწორების ან წაშლის მოთხოვნის წარდგენას, დაგვიკავშირდით ელ. ფოსტის მისამართზე [email protected].

საერთაშორისო გადაცემები

ფონდი დაფუძნებულია ამერიკის შეერთებულ შტატებში, ხოლო ჩვენ და ჩვენი სერვისების პროვაიდერები ვამუშავებთ და ვინახავთ პერსონალურ ინფორმაციას სერვერებზე, რომლებიც მდებარეობს ამერიკის შეერთებულ შტატებსა და სხვა ქვეყნებში. ამ ქვეყნებში მონაცემთა დაცვასთან დაკავშირებული კანონები შეიძლება არ იყოს ისეთივე, როგორიც თქვენს ქვეყანაშია. როდესაც ვახორციელებთ პერსონალური ინფორმაციის შეზღუდულ საერთაშორისო გადაცემებს, ვიღებთ ზომებს იმის უზრუნველსაყოფად, რომ თქვენს პერსონალურ ინფორმაციას ჰქონდეს დაცვის სათანადო დონე (შესაბამისი გარანტიების დანერგვით, როგორიცაა სახელშეკრულებო დებულებები) ან იმის უზრუნველსაყოფად, რომ შეგვეძლოს მონაცემთა დაცვის კანონმდებლობით გათვალისწინებულ შესაბამის გამონაკლისზე დაყრდნობა. შესაბამის შემთხვევაში შეგიძლიათ, მოითხოვოთ წვდომა ნებისმიერ დაცვის მექანიზმზე, რომელსაც ვიყენებთ თქვენი პერსონალური ინფორმაციის ევროპის ეკონომიკური სივრცის, გაერთიანებული სამეფოს ან შვეიცარიის ფარგლებს გარეთ გადასაცემად (თუმცა, კონფიდენციალურობის მიზეზების გამო, შესაძლოა, საჭირო გახდეს მონაცემთა გადაცემის შეთანხმებებიდან გარკვეული ინფორმაციის დაფარვა).

ფიზიკური პირები ევროპაში

თუ ევროპაში იმყოფებით, ეს სექცია თქვენზე ვრცელდება.

დამუშავების სამართლებრივი საფუძველი

როდესაც თქვენს პერსონალურ მონაცემებს ვამუშავებთ, როგორც ეს აღწერილია კონფიდენციალურობის წინამდებარე პოლიტიკაში, ამას შემდეგ სამართლებრივ საფუძვლებზე დაყრდნობით ვაკეთებთ:

  • თქვენთან დადებული ხელშეკრულების ფარგლებში ჩვენი ვალდებულებების შესასრულებლად (მაგ., თქვენ მიერ მოთხოვნილი სერვისების უზრუნველყოფა);

  • როდესაც გვაქვს ლეგიტიმური ინტერესი თქვენი პერსონალური ინფორმაციის დამუშავების მიმართ და ამ ინტერესს არ გადაწონის ზემოქმედება თქვენს კონფიდენციალურობაზე ან სხვა უფლებებზე (მაგალითად, ჩვენი სერვისების მიწოდების, შენარჩუნებისა და გაუმჯობესების, მონაცემთა ანალიტიკის განხორციელებისა და თქვენთან კომუნიკაციის მიზნით). ჩვენი ლეგიტიმური ინტერესები მოიცავს ჩვენი ორგანიზაციის საქმიანობის წარმართვასა და პოპულარიზაციას, ასევე, ჩვენი ინტერესების დაცვის საჭიროებას;

  • ჩვენი სამართლებრივი ვალდებულებების შესასრულებლად (მაგ., თქვენი თანხმობების ჩანაწერის შესანახად და იმ პირების აღსარიცხად, რომლებმაც უარი თქვეს მარკეტინგული კომუნიკაციების მიღებაზე), ან

  • როდესაც ამისთვის თქვენი თანხმობა გვაქვს (მაგალითად, როდესაც ჩვენგან მარკეტინგული კომუნიკაციების მიღებაზე თანხმობას აცხადებთ). როდესაც თქვენი პერსონალური ინფორმაციის დამუშავების სამართლებრივი საფუძველი თანხმობაა, თქვენ შეგიძლიათ, ასეთი თანხმობა ნებისმიერ დროს გააუქმოთ.

მონაცემთა სუბიექტის მოთხოვნები

თქვენ გაქვთ უფლება (1) მოითხოვოთ წვდომა თქვენს პერსონალურ მონაცემებზე (მათ შორის, ზოგიერთ შემთხვევაში, პორტაბელურ ფორმატში), (2) მოითხოვოთ თქვენი პერსონალური მონაცემების წაშლა და (3) მოითხოვოთ არაზუსტი პერსონალური მონაცემების გასწორება. გარდა ამისა, გაქვთ უფლება, შეეწინააღმდეგოთ გარკვეულ დამუშავებას ან მოითხოვოთ, რომ გარკვეული დამუშავება შეიზღუდოს. ამ უფლებების გამოყენებისთვის დაგვიკავშირდით მისამართზე [email protected]. გაითვალისწინეთ, რომ შეიძლება არსებობდეს გარემოებები, როდესაც ჩვენ არ ვართ ვალდებული, დავაკმაყოფილოთ თქვენი მოთხოვნა მონაცემთა დაცვის შესაბამისი კანონებით გათვალისწინებული სამართლებრივი პირობებისა და გამონაკლისების გამო.

თუ ჩვენ მიერ პერსონალური მონაცემების დამუშავებასთან დაკავშირებით რაიმე გაშფოთებთ, გთხოვთ, პირველ რიგში დაგვიკავშირდეთ, და ჩვენ შევეცდებით თქვენი შეშფოთების მოგვარებას. ამის მიუხედავად, თუ ვერ შევძლებთ მის მოგვარებას, თქვენ გაქვთ უფლება, საჩივარი შეიტანოთ თქვენი საცხოვრებელი ადგილის მონაცემთა დაცვის ორგანოში. თქვენი მონაცემთა დაცვის ორგანოს საკონტაქტო ინფორმაცია შეგიძლიათ იხილოთ ქვემოთ მოცემული ბმულების გამოყენებით:

ევროკავშირში მყოფი პირებისთვის: https://edpb.europa.eu/about-edpb/board/members_en⁠

გაერთიანებულ სამეფოში მყოფი პირებისთვის: https://ico.org.uk/global/contact-us/⁠

შვეიცარიაში მყოფი პირებისთვის: https://www.edoeb.admin.ch/edoeb/en/home/the-fdpic/contact.html⁠

დაგვიკავშირდით

თუ ამ კონფიდენციალურობის წესებთან დაკავშირებით შეკითხვები გაქვთ, გთხოვთ, მოგვწეროთ ელ. ფოსტის მისამართზე [email protected].